Тәжірибе алмасу

«Іздену. Білім. Тәжірибе тарату» тақырыбындағы мектеп психологтарына арналған семинар-практикум анықтамасы

admin / 4 желтоқсан, 2025

Өткізілген күні: 30.09.2025 ж Темір ауданы, Шұбарши орта мектебінің педагог-психологы Гулзина Сәрсенбаева «JAN AHUAL» психологиялық қолдау орталығының жоспарына сәйкес Темір ауданы мамандарының іс-тәжірибесін тарату мақсатында мектепке дейінгі ұйымдар мен мектептердің педагог-психологтарына арналған семинар-практикум өтті. Іс-шара педагогтердің кәсіби шеберлігін арттырып, жаңа технологияларды тәжірибеге енгізу және жұмысты жетілдіруге бағытталды. Модератор орталықтың бөлім меңгерушісі Майра Сәрсенғалиева болды. Орталық директорының міндетін уақытша атқарушы: Меруерт Жұбандықова қатысушы білім беру саласында үздік тәжірибе алмасудың маңыздылығына тоқталып, қатысушыларға сәттілік тіледі. Семинар барысында Шұбарши орта мектебінің педагог-психологы Гулзина Сәрсенбаева оқушылардың қызығушылығын арттыруға бағытталған әдістемелерді таныстырды. «Балауса» бөбекжай-балабақшасының педагог-психологы Гүлзат Жұмабаева тиімді әдіс-тәсілдері және шығармашылық ізденістерімен бөлісті. Семинар педагог-психологтардың кәсіби дамуына, тәжірибе алмасып, жаңа идеяларды жүзеге асыруына мүмкіндік берді. https://www.instagram.com/reel/DGDhdJKIhLG/?igsh=MWVibHhkcDJ0aGhvaQ== «JAN AHUAL» психологиялық қолдау орталығының әдіскері Л.Бердибеков

Тәжірибе алмасу

«Іздену. Білім. Тәжірибе тарату» тақырыбындағы мектеп психологтарына арналған семинар анықтамасы

admin / 4 желтоқсан, 2025

Өткізілген күні: 10.04.2025 ж Алға ауданы, Тоқмансай орта мектебінің педагог-психологі Клара Кунаева Мақсаты: Педагогтердің кәсіби шеберлігін арттыру және психологиялық қызмет сапасын жақсарту.Тиімді жұмыс тәсілдерімен бөлісу. «JAN AHUAL» психологиялық қолдау орталығының жоспарына сәйкес облыстық білім беру ұйымдарының психолог мамандарының қатысуымен «Іздену. Білім. Тәжірибе тарату» тақырыбында семинар өтті. Іс-шара барысын,да аудан педагог-психологтары өз іс-тәжірибелерімен бөлісті. Орталық директоры: Меруерт Жұбандықова қатысушы психологтарға сәттілік тілеп, екіжақты тәжірибе алмасудың маңыздылығын атап өтті. Алға ауданы, Тоқмансай орта мектебінің педагог-психологі К.Ж.Кунаева «Аутодеструктивті мінез ерекшеліктері бар оқушылармен жүргізілетін қарым-қатынас жаттығулары» тәжірибесімен бөлісті. Сонымен қатар, Әйтеке би ауданы, мамыт негізгі орта білім беретін мектебінің педагог-психологі С.О.Оразбаева «Жасөспірімдердің қарым-қатынасын тренингтер арқылы қалыптастыру» атты тәжірибесін ұсынды. Семинар барысында әдістемелік таратпа материалдар ұсынылып, сұрақ-жауап, пікір алмасу алаңы құрылды. Семинар соңында іс-тәжірибе таратқан мамандарға Алғыс хаттар табыс етілді. https://www.instagram.com/reel/DGDhdJKIhLG/?igsh=MWVibHhkcDJ0aGhvaQ== «JAN AHUAL» психологиялық қолдау орталығының әдіскері Л.Бердибекова

Тәжірибе алмасу

«JAN AHUAL» психологиялық қолдау орталығының жоспарына сәйкес 19.11.2025 жылы «Іздену. Өсу. Нәтиже» облыстық семинар-практикумы өтті

admin / 4 желтоқсан, 2025

«JAN AHUAL» психологиялық қолдау орталығының жоспарына сәйкес 19.11.2025 жылы «Іздену. Өсу. Нәтиже» облыстық семинар-практикумы өтті Орталық базасында педагогтердің кәсіби шеберлігін арттыру және психологиялық қызмет сапасын жақсарту мақсатында «Іздену. Өсу. Нәтиже» тақырыбында облыстық семинар-практикум ұйымдастырылды. Іс-шараға Шалқар және Хромтау аудандарынан келген педагог-психологтар қатысып, өздерінің кәсіби тәжірибелері мен тиімді жұмыс тәсілдерімен бөлісті. Семинарды орталық бөлім басшысы Ментай Телағысова жүргізді. Ал орталық директоры Меруерт Жұбандықова педагогикалық қауымдастықтағы әріптестік пен тәжірибе алмасудың маңыздылығын атап өтті. Шалқар ауданы №4 ЖОББМ педагог-психологі Шанова Айгүл Орынбекқызы «Тұлға күші — ішкі үйлесімде» тақырыбында оқушыларға психологиялық қолдау көрсету тәжірибесін таныстырды. Хромтау ауданы Ақжар орта мектебінің педагог-психологі Тобагабылова Гулдерай Серикқызы «Алғашқы қадам: бейімделу және танымдық үдерістерді дамыту» бойынша өз жұмыс үлгісін ұсынды. Семинар соңында орталық әдіскері Ботагоз Айтпаевна жасанды интеллектке арналған тренинг өткізіп, қатысушыларға жаңа құралдарды тәжірибеде қолдану мүмкіндігін көрсетті. Сонымен қатар, Айгүл Орынбекқызы мен Гулдерай Серикқызы тәжірибелерімен бөліскені үшін орталық директорының Алғыс хаттарымен марапатталды. Қатысушылар жоғары белсенділік танытып, семинар кәсіби тәжірибе алмасудың тиімді алаңы болды.